Saılaýǵa qatysty saýalnama júrgizgen blogerler jaýapkershilikke tartylýy múmkin
Jeke tulǵalarǵa olaı jasaýǵa bolmaıdy. «Adal saılaý úshin» shtabynyń músheleri osylaı dedi. Zańgerlerdiń aıtýynsha, "Saılaý týraly" zańda kórsetilgen normalar tek mamandandyrylǵan uıymdarǵa ǵana saýalnama ótkizýge ruqsat beredi. Ortalyq saılaý komısıasyn eskertpeı júrgizilgen áleýmettik zertteýler zańsyz dep sanalady, dep habarlaıdy Almaty-akshamy.kz 24.kz-ke silteme jasap.
"Olardyń nátıjesin jarıalaý da zańǵa qaıshy. Sondyqtan mıllıondaǵan oqyrmany bar blogerler óz paraqshasynda saýalnama ótzip, nátıjesin jarıalasa, ol áleýmettik zertteý dep baǵalanýy múmkin. Sáıkesinshe, mundaı áreketter «Saılaý týraly» zańǵa qaıshy", - deıdi zańger. Zańdy buzǵandarǵa 30 aılyq eseptik kórsetkish túrinde aıyppul salynady.
«Zańdy tulǵa ótkizý kerek. Saýalnamany jeke tulǵa ótkize almaıdy. Ekinshiden, ol kez kelgen zańdy tulǵa emes. Onyń bes jyldyq tájirıbesi bolý kerek osy salada. Iaǵnı, saýalnamany 1-2 jyl tájirbesi bar zańdy tulǵa ótkize almaıdy. Odan keıin osy zańdy tulǵanyń tájirıbesi bar tıisti qyzmetkerleri bolý kerek. Osynyń barlyǵyn rastaıtyn olar qujattaryn Ortalyq saılaý komısıasyna tapsyrady, ózderiniń jazbasha habarlamasynda», - deıdi «Adal saılaý úshin» Respýblıkalyq qoǵamdyq shtabynyń múshesi, zańger Dýman Jampeıisov.