Inpex NorthCaspian Sea Ltd kompanıasy Qashaǵannan synaqtan ótkizilgen 7 myń tonna qazaqstandyq munaıdy Aqtaý portynan Baký arqyly Eýropaǵa jóneltedi, dep habarlaıdy Almaty-akshamy.kz Tengrinews.kz-ke silteme jasap.
Inpex NorthCaspian Sea Ltd kompanıasy Qashaǵannyń operatory North Caspian Operating Company (NCOC) konsorsıýmyndaǵy 7,563 paıyzdyq úleske ıe.
«QazTransOıl» ókiliniń aıtýynsha, kompanıa Aqtaý arqyly 1,5 mıllıon tonna Teńiz munaıyn jiberý josparyn saqtap qalýǵa nıetti. Biraq Túrkıadaǵy jer silkinisine baılanysty júk jóneltý ýaqytsha keshiktirilgen.
«QazTransOıl» munaı aǵyndaryn ártaraptandyrýǵa Transkaspıı baǵytynda qatysady. Bıyl Aqtaý porty arqyly 1,5 mıllıon tonna Teńiz munaıyn aıdaý, tıeý josparlanǵan bolatyn. Biraq búgingi kúnge deıin bir tonnasy da tıisti merzimde jóneltilgen joq. Túrkıadaǵy jer silkinisine baılanysty Baký-Tbılısı-Djeıhan munaı qubyry fors-majorlyq jaǵdaı dep jarıalandy, sebebi Djeıhandaǵy eki aılaq qazir jumys istemeıdi, al ekinshi aılaq arqyly olar tek Ázerbaıjan munaıyn jóneltedi», - dedi kompanıa ókili.