Oǵan 80 elden 3 myńnan astam sportshy qatysty
Pavlodarlyq Sársen Jetibaev grepplıngten Dúnıejúzilik jekpe-jek oıyndarynyń chempıony ataǵyn jeńip aldy. Qazaqstandyq sportshy ondaı jetistikke alǵash ret jetip otyr, dep habarlaıdy almaty-akshamy.kz oblys ákimdiginiń baspasóz qyzmeti.
Saýd Arabıasynyń Er-Rıad qalasynda ótken Dúnıejúzilik jekpe-jek oıyndaryna 80 elden 3 myńnan astam sportshy qatysty. Al Qazaqstannyń namysyn 53 sportshy qorǵady. Olar sporttyń 9 túrinen synǵa tústi.
Pavlodarlyq Sársen Jetibaev grepplıngten jarysqa qatysyp, 71 keli salmaq dárejesinde úzdik atandy. Shırek fınalda jerlesimiz vengrıalyq sportshyny jeńip, jartylaı fınalda ýkraınalyqtan basym tústi. Al fınalda ózbek sportshysyn qapy qaldyrdy.
Sársen Jetibaev – Dúnıejúzilik jekpe-jek oıyndarynda chempıon atanǵan tuńǵysh qazaqstandyq sportshy.
Pavlodar ákimdigi Sársen Jetibaevqa 500 myń teńgeniń aqshalaı sertıfıkatyn tabystady. Al chempıondy daıyndaǵan jattyqtyrýshy Zaıyrbek Ábilqadyrovqa 300 myń teńgeniń sertıfıkaty berildi