Eńbek jáne halyqty áleýmettik qorǵaý mınıstrligi áleýmettik tólemderdiń túrleri jáne olardy ósirý jospary týraly aqparat berdi, - dep habarlaıdy Tengrinews.kz tilshisi.
Mınıstrlik málimetinshe, memlekettik áleýmettik tólemderdiń barlyq túri 2024 jyly 7 paıyzǵa ósedi
Eńbek mınıstrligi memlekettik áleýmettik tólemderdiń osy túrlerin sanamalap berdi. Atap aıtqanda, bular:
- múgedektigi boıynsha jáne asyraýshysynan aıyrylý jaǵdaıy boıynsha memlekettik áleýmettik járdemaqylar;
- Memlekettik áleýmettik saqtandyrý qorynan múgedektigi boıynsha jáne asyraýshysynan aıyrylý jaǵdaıy boıynsha áleýmettik tólemder;
- №1 jáne №2 tizimder boıynsha memlekettik arnaýly járdemaqylar;
- jerleýge arnalǵan birjolǵy tólem;
- bala týýyna baılanysty birjolǵy memlekettik járdemaqy;
- bala bir jarym jasqa tolǵanǵa deıin onyń kútimine baılanysty aı saıynǵy memlekettik járdemaqy;
- Memlekettik áleýmettik saqtandyrý qorynan bala bir jarym jasqa tolǵanǵa deıin onyń kútimine baılanysty tabysynan aırylǵan jaǵdaıda tólenetin áleýmettik tólemderdi alýshylarǵa mindetti zeınetaqy jarnalaryn aı saıynǵy búdjettik sýbsıdıalaý;
- arnaýly memlekettik járdemaqylar;
- birge turatyn tórt jáne odan da kóp kámeletke tolmaǵan balalary bar kópbalaly otbasylarǵa aı saıynǵy memlekettik járdemaqy;
- "Altyn alqa", "Kúmis alqa" alqalarymen marapattalǵan nemese buryn "Batyr ana" ataǵyn alǵan jáne İ jáne İİ dárejeli "Ana dańqy" ordenderimen nagradtalǵan kópbalaly analarǵa aı saıynǵy memlekettik járdemaqy;
- Múgedektigi bar balany tárbıelep otyrǵan anaǵa nemese ákege, bala asyrap alýshyǵa, qorǵanshyǵa (qamqorshyǵa) járdemaqy taǵaıyndalatyn jáne tólenetin aı saıynǵy memlekettik járdemaqy jáne birinshi toptaǵy múgedekti kútetin adamǵa memlekettik járdemaqy.