Kóktem kelip, áskerge shaqyrylym júrip jatyr. Osy rette elimizde ásker sapyn tolyqtyrǵan sarbazdarǵa qandaı jeńildikter qarastyrǵan? Almaty-akshamy.kz tilshisi sholý jasap kórdi.
Búgingi tańda el azamattarynyń basym kópshiliginde nesıe bar. Al bank aldynda bereshegi bar jastar áskerge shaqyrtylǵan kezde áskerı komısarıat arqyly olarǵa tıisti anyqtama usynylady. Eger olar shaqyrtý kezinde tıisti anyqtamany almasa, onda áskerı bólimdegi komandıri tıisti qujatty beredi. Bul anyqtamany nesıesi bar sarbazdar bankter men qarjy uıymdaryna tapsyrady. Ásker qataryndaǵy sarbazdar taýystarynyń atyna senimhat bere alady. Osylaısha sarbazdyń jaqyndary bankke tıisti ótinimdi tapsyrady. Nátıjesinde áskerı qyzmetke shaqyrylǵan azamattyń nesıesi bolsa, ony tóleý 13 aıǵa keıinge aýysady.