Almaty polısıasy jedel aldyn alý is-sharalary barysynda kóshi-qon zańnamasyn buzǵan 18 Ózbekstan azamaty men bir Tájikstan azamatyn anyqtady, dep habarlaıdy Almaty-akshamy.kz Polisia.kz-ke silteme jasap.
«Biz 19 quqyq buzýshyny memlekettik shekaraǵa jetkizýdi uıymdastyrdyq. Osy maqsattar úshin kóp oryndyqty avtobýs qarastyryldy. Olar “Jibek joly” BÓP memlekettik shekaraǵa deıin jetkizildi. Eske salaıyq, Almaty polısıasymen zańsyz kóshi-qon arnalaryn, sheteldikterdi eńbekke zańsyz tartý derekterin anyqtaý maqsatynda “Kelimsek” jáne “Quqyq tártibi” is-sharalary turaqty túrde júrgiziledi», – dedi Almaty qalasy PD kóshi-qon qyzmeti basqarmasynyń bastyǵy Asqat Býtýnchınov.
Buryn habarlanǵandaı, jyl basynan beri 6472 adam ákimshilik jaýapkershilikke tartylsa, onyń 1738-i shet memleketterdiń azamaty. Ákimshilik jolmen 248 sheteldik elden shyǵaryldy. PD-nyń qabyldap-taratýyna jeke basyn kýálandyratyn qujattary joq 365 shetel azamaty ornalastyryldy.