Magıstrlar bakalavrlardan 35%-ǵa artyq tabys tabady.
Qazaqstandyq sarapshlar arnaıy júrgizgen zertteý nátıjesinde magıstratýra túlekteri bakalavrıat túlekterinen orta eseppen 35%-ǵa kóp tabys tabatynyn anyqtady, dep habarlaıdy Almaty-akshamy.kz.
««Eńbek resýrstaryn damytý ortalyǵy» AQ (budan ári – «ERDO» AQ) sarapshylary 2017 jylǵy túlekterdiń zeınetaqy aýdarymdarynyń mólsheri boıynsha zertteý júrgizdi. Onyń barysynda oqýdy aıaqtaǵannan keıin úsh jyldan keıin magıstratýra túlekteri bakalavrıat túlekterinen orta eseppen 35%-ǵa kóp tabys tabatynyn, al eń joǵary jalaqyny iskerlik ákimshilendirý magıstrleri alatynyn anyqtady»,– delingen Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
Zertteýler QR Bilim jáne ǵylym mınıstrliginiń 2017 jylǵy 120 myń túlek týraly aqparaty negizinde júrgizildi, ol 2018 jyly ýnıversıtetterdiń reıtıńterin jasaý úshin, sondaı-aq olardyń taldanyp otyrǵan kezeńdegi zeınetaqy jarnalaryn eskere otyryp paıdalanyldy.
«Túlekterdiń jalpy sanynan 105,4 myń adam bakalavrıatty, onyń ishinde 77,5 myńy kúndizgi oqý nysanyn, 13,8 myńy magıstratýrany, 858 adam rezıdentýrany jáne doktorantýrany aıaqtady. Aǵymdaǵy jyldyń tamyz aıyndaǵy jaǵdaı boıynsha, túlekterdiń jalpy sanynan 286 adam qaıtys boldy, al 773-i Qazaqstannan ketken bolyp sanalady», – dep habarlady ERDO boljamdaý departamentiniń dırektory Dmıtrıı Shýmekov.
Taldaýshy oqýshylardyń kópshiligi bitirý kezinde jumys istep úlgergenin atap ótti. Máselen, 2016 jyly bakalavrıattyń bolashaq túlekteriniń 44,3 myńynda (42%) zeınetaqy jarnalary boldy, al magıstrler arasynda 8,8 myń adamda (63,8%) aýdarymdar boldy.
«Osylaısha, 53,7 myń adamda (44,8%) oqý aıaqtalardan bir jyl buryn resmı jumys tájirıbesi boldy. 2017 jyly bul san 78,4 myń adamǵa (65,3%), al 2018 jyly 87,8 myń adamǵa (73%) deıin ósti. 2017-2020 jyldary 104,9 myń adamda nemese túlekterdiń 87%-ynda oqý aıaqtalǵannan keıin keminde bir ret resmı zeınetaqy aýdarymdary bolǵan», – dedi Dmıtrıı Shýmekov.