Reseı sarapshysy bolashaqta kıim dúkenderi azaıatynyn aıtty
Sanaly túrde tutyný trendi 2035 jylǵa qaraı Reseıde dúkenderdiń shamamen 20%-ǵa jýyǵynyń jabylýyna ákeledi. Mundaı boljamdy Beinopen sán ındýstrıasyn damytý ınstıtýtynyń negizin salýshy, WearNet Ulttyq tehnologıalyq bastamalar jumys tobynyń jetekshisi Alekseı Bajenov málimdedi, dep habarlaıdy Almaty-akshamy.kz tilshisi RIA Novostıǵa silteme jasap.
«Onlaın-satylymdar pandemıada eki ese ósip, jalpy satylymnyń kólemi 15%-ǵa deıin jetken, sonyń ishinde, dúkenderdiń 40%-y jabylǵan. Olardyń jabylǵanymen, tutynýshylar álemi ózgergen joq, bul adamdarǵa zattardyń da, dúkenderdiń de osynshalyq kóp mólsherde qajet emes ekenin bildiredi. Wear Net qaýymdastyǵynyń baǵalýy boıynsha, Reseıde 2035 jylǵa qaraı 20%-ǵa jýyq rıteıler jabylady», - deıdi sarapshy.
Ol «buǵan deıin jýrnaldar, televıdenıe, sonymen birge, brendterdiń ózi kóbirek tutyný qajettigin aıtty, sándik turǵyda úlken garderob bolýy kerek degen jıi aıtylatyn. Qazir bul jýrnaldardyń bári sanaly túrde tutyný týraly, qajetsiz zattar kólemi adamnyń ózine ǵana emes, qorshaǵan ortaǵa da zıanyn tıgizitin» aıtyp tolyqtyrdy.
Bajenovtyń sózinshe, sán salasynda sanaly túrde tutyný beleń ala bastaǵan: iri brendter qatary eski zattardy qaıta óńdeýdiń iske qosylatyny týraly, tek ekologıalyq materıaldardy paıdalaný men jeke kıim jelisin qurý týraly jarıalady. Tutynýshylar óz kezeginde, ekologıalyq turǵyda tıimdi, qaıta óńdeýge qoljetimdi jáne uzaqqa jetetin satyp alýlarǵa qyzyǵýshylyǵy artqan.
«Birinshi kezekte, bizdiń boljam boıynsha, ataýlar joq, biz bilmeıtin shaǵyn rıteılerler jabylady. Alaıda biz bul jerde startaptar týraly aıtyp otyrǵan joqpyz - damyp kele jatqan brendter jańa tendensıalardy kóredi jáne negizinen eko-jaýapty. Ekinshiden, saýda ortalyqtaryndaǵy jelilerdiń núkteleri jabylady. Pandemıa kezinde saýda ortalyǵyndaǵy dúkenderdiń 13 paıyzy isten shyqty. Siz muny baıqadyńyz ba? Osyǵan baılanysty sizdiń ómirińizdiń sapasy nemese tańdaýyńyz nasharlady ma? Qaıdam» - dedi ol.