«AMANAT» partıasy fraksıasynyń jetekshisi Elnur Beısenbaev Premer-Mınıstr Oljas Bektenovqa jáne Qazaqstan Respýblıkasynyń qarjy naryǵyn retteý jáne damytý agenttiginiń tóraıymy Madına Ábilqasymovaǵa depýtattyq saýal joldady.
Saýalda avtokólik saqtandyrý naryǵyndaǵy problemalyq máseleler kóterildi, dep habarlaıdy aqshamnews.kz.
Adamnyń jol-kólik apatynda qaza tabýy jaǵdaıynda muragerlerge saqtandyrý somasy tólenbeıdi. Tek marqumnyń asyraýynda adam bolǵan jaǵdaıda ǵana. Al bank zańnamasyna sáıkes, nesıe boryshtary muragerlerden alynýy múmkin, asyraýyndaǵy adamdardyń bar-joǵyna qaramastan.
Balanyń jol-kólik apatynda qaza bolýy da saqtandyrý zańnamasynda quqyqtyq saldarǵa ıe emes. Al jol-kólik apatynda qaza tapqan úı janýarlaryna saqtandyrý tólemderi qarastyrylǵan. Iaǵnı, janýarlarǵa tólemder bar, al adamdarǵa joq. Bul ádilettilik jáne aqyl-oı qaǵıdatyna qaıshy keledi.
Sońǵy jyldary mindetti saqtandyrý boıynsha maksımaldy tólem somasy shamamen 2,5 mıllıon teńge boldy. Bul soma qazirgi jaǵdaıda kólikterdi jóndeý jáne qalpyna keltirýdiń naqty baǵalarymen sáıkes kelmeıdi. Mysaly, qymbat avtokóliktiń bir farasynyń quny birneshe mıllıon teńge, al jóndeý baǵasy birneshe ese joǵary. Bul jaǵdaıda jol-kólik apatyna sebepker bolǵan adam qymbat jóndeýdi tóleı almaıdy, bul onyń qarjylyq jaǵdaıyn nasharlatyp, búkil otbasynyń jaǵdaıyna da áser etedi, - dedi depýtat.
Elnur Beısenbaevtyń aıtýynsha, saqtandyrý kompanıalary ózderine yńǵaıly jaǵdaılardy lobbılap, biraq qarjylyq qorǵaý fýnksıasyn oryndamaıdy jáne áleýmettik jaýapkershilik prınsıpin buzady.