Respýblıka kúnine oraı Almaty halyqaralyq áýejaıynda týrıserge qazaqstandyq shokolad usynylady, dep habarlaıdy aqshamnews.kz
2024 jyldyń 25 qazanynda Respýblıka kúnine oraı Almaty qalasynyń Týrızm basqarmasy, Almaty halyqaralyq áýejaıy jáne QR UQK Shekara baqylaý basqarmasy birlesip «Qonaqtarǵa tátti syı» aksıasyn uıymdastyrady. Bul shara barysynda pasporttyq baqylaýdan ótetin qala qonaqtaryna qazaqstandyq shokolad usynylady.
Merekelik aksıa 45-ten astam reıs pen 5 myńǵa jýyq jolaýshyny qamtıdy. Sonymen qatar, áýejaı aýmaǵynda ulttyq mereke týraly aqparattyq bannerler ornatylyp, Almatyǵa kelgen qonaqtar batyrlarmen jáne ulttyq kıimdegi arýlarmen sýretke túse alady.
Bul aksıa Almatynyń eldegi eń iri týrısik ortalyqtardyń biri retindegi bedelin nyǵaıtýǵa baǵyttalǵan mańyzdy qadam. İs-sharanyń maqsaty – týrıserge jyly shyraı tanytyp, jaǵymdy áser qaldyrý, sondaı-aq halyqaralyq qonaqtarǵa Qazaqstannyń tarıhy men rýhanı qundylyqtaryna degen qurmetti kórsetý.