Almatyda bir jyldyń ishinde qurylys nysandary 1074 ret jospardan tys tekserildi
Almaty qalasy qurylysyn baqylaý basqarmasy byltyr sottarǵa zań talaptar men qurylys normalaryn buzǵany úshin 174 talap-aryz joldady.
Onyń 81-i qanaǵattandyryldy, 93-i qaralyp jatyr, dep habarlaıdy Almaty-akshamy.kz.
Bul rette, 86 talap-aryz buzýǵa jiberildi, 41 talap-aryz boıynsha oń sot sheshimi shyǵaryldy, 45-i qaralyp jatyr. Nusqamany oryndaýǵa 88 talap qoıyldy, onyń ishinde sottar 40 talap-aryzdy qanaǵattandyrdy, qalǵandary qaralýda. Sonyń nátıjesinde 22 nysan boıynsha buzý jumystary júrgizildi.
Baqylaý fýnksıalary aıasynda 2023 jyly basqarma jospardan tys 1074 tekserý júrgizdi, atap aıtqanda, qala turǵyndarynyń ótinishi negizinde 1140 buzýshylyq anyqtaldy. Buzýshylyqtardy joıýǵa 634 nusqama berildi. Sapasyz qurylys jáne qurylys-montajdaý jumystaryn júrgizýdi uıymdastyrǵany úshin 68 uıym jaýapkershilikke tartyldy.
Aıta keteıik, salynyp jatqan nysandar boıynsha tolyq ári sońǵy aqparat alý úshin azamattarǵa arnap 8-705-896-60-00 nómiri boıynsha anyqtama jelisi iske qosyldy. 2023 jyly osy arna arqyly Almaty qalasy qurylysyn baqylaý basqarmasyna 3 myńnan astam ótinish kelip tústi.