Almaty-akshamy.kz saıtynda búgin jaryq kórgen jańalyqtarǵa sholý.
Mańǵystaýdyń shekarasy keńeıedi
"Mańǵystaý oblysynyń shekarasy men Kaspıı teńizi akvatorıasynyń bastapqy syzyǵy arasyndaǵy jalpy alańy 721 940,2365 gektar jerdi oblys aýmaǵyna qosý arqyly Mańǵystaý oblysynyń shekarasy ózgertilsin", - delingen Úkimettiń qaýlysynda.
Temirtaýda tótenshe jaǵdaı
Qaraǵandy oblysy men Temirtaý qalasynyń birneshe aýylynda jergilikti aýqymdaǵy tabıǵı tótenshe jaǵdaı jarıalanýy múmkin. Qujattardyń jobalary "Ashyq NQA" portalynda paıda boldy.
10 qańtarda Temirtaýda qatty boran men jeldiń saldarynan keıbir turǵyndar baılanyssyz qaldy. Kóptegen qala turǵyndary úılerinde jaryq, jylý jáne sýdan aıyryldy.
Almatyda qoımanyń 500-den astam sharshy metri janyp ketti
Almaty qalalyq Tótenshe jaǵdaılar departamentiniń málimetinshe, órt sóndirý barysynda qyzyp turǵan temir qoımadan qaýipsiz jerge 3 ottegi jáne 4 gaz balony shyǵaryldy. Órt túngi 22:34-te oqshaýlanyp, 22:50-de tolyq sóndirildi. Oǵan 21 birlik tehnıka men 100-den astam adam jumyldyryldy. Ottyń shyǵý sebebi anyqtalyp jatyr. Qaza bolǵandar men zardap shekkender joq.
Samat Ábishke qatysty isti tergeý aıaqtaldy
Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty qylmystyq is sotqa jiberildi.
Qylmystyq is boıynsha Samat Ábish aýyr saldarǵa ákep soqtyrǵan bıligin jáne qyzmettik ókilettigin asyra paıdalandy degen kúdikke ilingen. Kúdiktige qatysty eshqaıda ketpeý týraly bultartpaý sharasy qabyldanǵan. Ol qazir Qazaqstanda.
«Dostyq elshisi»
Dımash Qudaıbergennen keıin osy marapatqa ıe bolǵan qazaq qyzy Álınur Jeńistiń otbasy 15 jyl buryn atajurtqa kóship kelgen.
Eki el arasynda túrli forýmdar ótkizgen ol «Dostyq elshisi» nagradasyn aldy. Álınur munymen shektelmeı, jeke kásipkerlikti de qolǵa alǵan. Búginde óz kosmetıkalyq brendin qalyptastyryp, elimizde kásibin órletip júr.
Masshtaby keńeıgen molda
Belgili ımam Nurlan Baıjigituly AQSH prezıdenti Djo Baıdennen shaqyrtý aldy.
"Árbir jyly Amerıka qurama shtattarynyń prezıdenti Djo Baıden jáne oǵan deıingi prezıdentter jylda ár memleketten tanymal jáne memleket basshylaryna jylda as berip, dám beredi. Bul qaıyrymdylyq as bolyp tabylady. Sondyqtan bizdiń elden tańdaý maǵan túsip tur eken. Memleketimizdiń múddesin, Prezıdentimiz jasap jatqan ishki jáne syrtqy saıasatyn jetkizý, sonymen qatar, bizdiń rýhanıatymyzdy keńeıtý, pash etý, qazaq tarıhynyń keń ekenin kórsetý úshin osy saparǵa nıet bildirip otyrmyz. Aldaǵy aptada úlken saparǵa jol júrmekpiz", - deıdi Nurlan ımam.
Asyldyń synyǵy edi...
İlıas Jansúgirulynyń qyzy Ilfa Jansúgirova óziniń týǵan kúninde, 90-ǵa qaraǵan shaǵynda ómirden ótti. Bul týraly Feısbýk áleýmetik jelisinde alashtanýshy Eldos Alash jazdy.
Dodo pıssaly Qazaqstan
Dodo pısserıalar jelisiniń bas keńsesi Brıtandyq Vırgın araldarynan Qazaqstanǵa kóshetin boldy. Bul týraly málimdegen Dodo Brands qarjy dırektory Lına Naýmovanyń aıtýynsha, bul sheshimdi bekitý úshin 2024 jyldyń 10 qańtary men 26 qańtary aralyǵynda aksıonerlerdiń syrttaı daýys beredi.
Salyq pen sapa
Uıaly baılanys operatorlaryna sapasyz baılanys qyzmeti úshin aıyppul salyndy.
Zańnamada kózdelgen jeńildikterdi eskere otyryp mobıldi operatorlar 1 mlrd 644 mln teńge tólegen:
Tele2 – 751,4 mln teńge;
Kcell – 563,2 mln teńge;
Beeline – 329,4 mln teńge.
Sıfrlanǵan «Altyn Orda»
Atalmysh bazardy sıfrlandyrý úshin altynordaresmi.kz saıty iske qosyldy.
Saýda jáne ıntegrasıa mınıstrliginiń Saýda komıteti «Altyn orda» bazarynyń ákimshiligimen birlesip, bazar jumysynyń ashyqtyǵyn qamtamasyz etý úshin birlesken is-sharalar josparyn bekitti. Onyń sheńberinde 2023 jylǵy jeltoqsannan bastap, bazardyń kireberisine 6 QR-kody bar avtomatty shlagbaým men kirý aqysyn tóleý úshin pavılondarda 6 POS-termınal ornatyldy.