Eń mańyzdy máselelerdiń biri sapaly sýmen qamtý jáne kanalızasıa júıesimen qamtamasyz etý basty mindet bolyp qala beredi. Bul týraly Almaty qalasy E.Dosaev Medeý aýdanynda halyqpen kezdesýde aıtty, dep habarlaıdy almaty-akshamy.kz
Memleket basshysynyń tapsyrmasyna sáıkes Kamenskoe plato, Kólsaı, Muztaý jáne Iýbıleınyı shaǵyn aýdandarynyń turǵyndaryn sýmen turaqty qamtamasyz etý úshin tótenshe jaǵdaılar jelisi boıynsha 7,3 myń m3 sýǵa arnalǵan 7 rezervýar salyndy. Sondaı-aq kúnine 15,7 m3 sý ótkizetin 6 skvajına salyndy jáne rekonstrýksıalandy.
Búgingi kúni, iske qosý-retteý jumystary júrgizilýde, osy jyldyń naýryz aıynda nysandar tolyqqandy iske qosylady.
Desentralızasıa asynda Medeý aýdanynyń ákimdigi 2023 jyldan bastap 276,5 km sýmen qamtý jáne kanalızasıa taratý jelilerin salý jumystaryn bastady, 2025 jyly aıaqtalady.
Ótken jyly Halıýllın kóshesi men «Kamenskoe plato» shaǵyn aýdanynda 13,4 km magıstraldy jeliler salyndy.
2024 jyly Keńsaı, Kólsaı, Kompot, jáne Dýman shaǵyn aýdandarynda 65,7 km jeliniń qurylysy aıaqtalady.
Budan basqa, 2024 jyly Muztaý, Kamenskoe plato, Asqartaý, Shaǵyn stanısa, Atyraý jáne Sulýsaı shaǵyn aýdandarynda 145,7 km taratý jelileriniń qurylysy bastalyp, 2025 jyly aıaqtalady.
Sondaı-aq, 2024 jyldyń 3-toqsanynda Taýly qyrat, Alataý jáne Iýbıleınyı shaǵyn aýdandarynda 51,7 km taratý jelileri salynady
Osylaısha, 2025 jyldyń sońyna qaraı aýdannyń ońtústik jáne shyǵys bólikterindegi 64,3 myń turǵyndy sýmen jáne kanalızasıamen qamtamasyz etýge qatysty problemalardy sheshemiz.
- Ótken jazda, aptap ystyqqa baılanysty Medeý aýdannyń joǵary bóligin sýmen qamtamasyz etýde qıyndyqtar týyndady. 2023 jyldyń shilde aıynda sýdyń laılanýy normadan 50 ese asyp, sý tapshylyǵy táýligine 20 myń m3 qurady.
- Tapshylyqty joıý úshin, tótenshe jaǵdaılar sheńberinde qýaty táýligine 32 myń m3 rezervtik sýmen qamtý sqemasynyń qurylysy bastaldy, ol 2024 jyldyń maýsym aıynda aıaqtalady.
- Sýdyń negizgi kózderi - Talǵar jer asty sýlary men sorǵy stansıalarynyń qýatyn 60%-ke arttyra otyryp, 6 jańa skvajına burǵylaý bolyp tabylady.
- Nátıjesinde Samal, Kóktóbe shaǵyn aýdandarynyń 50 myń turǵyny jáne Taýly qyrat shaǵyn aýdanynyń bir bóligi úzdiksiz sýmen qamtamasyz etiletin bolady.
- Dýman shaǵyn aýdanynda halyq sanynyń kóbeıýine baılanysty, jumys istep turǵan rezervýarlardyń ótkizý qabileti aýyz sý qajettiligin ótemeıdi. Jazǵy ýaqytta táýligine 2,2 myń tekshe metr tutyný tapshylyǵy baıqalady.
Osy máseleni sheshý úshin bıyl 2 sý rezervýaryn, magıstraldy sý qubyryn jáne 2 sorǵy stansıasyn rekonstrýksıalaýdy bastaımyz.