Jol ınfraqurylymyn damytý boıynsha qarqyndy jumystar jalǵasatyn bolady. Bul týraly qala ákimi Erbolat Dosaev aýdan turǵyndarymen kezdesýde habarlady.
2023 jyly Medeý aýdanynda 21,8 shaqyrym jolǵa ortasha jóndeý júrgizildi, 56 myń m2 jol tósemi ishinara qalpyna keltirildi, 29 kóshedegi 24,5 shaqyrym trotýarlar jaılastyryldy jáne 20 kóshede 6,6 shaqyrym aryq jelisi salyndy.
Bıyl joldardy ortasha jóndeý jumystarynyń kólemin 2 ese, ıaǵnı 51,6 shaqyrym deıin artady, 60 myń m2 astam jol tósemin qalpyna keltirilip, 42,2 shaqyrym trotýar (19 kóshe) jáne 17 shaqyrym aryq jelisi salanady.
- Qoǵamdyq kólik jumysynyń sapasyn jaqsartý sheńberinde 2023 jyly 18 marshrýttaǵy 312 avtobýs jańartyldy, 4 jańa marshrýt ashyldy, onda 39 avtobýs qosyldy, 5 jańa aıaldama kesheni salyndy.
- Onyń ishinde, Kólsaı shaǵyn aýdany turǵyndarynyń ótinishteri boıynsha №107 marshrýtta 3 jańa taý avtobýsy iske qosyldy.
- 2024 jyly 17 marshrýt boıynsha (№12, 16, 120, 71, 50, 73, 211, 121, 63, 118, 210, 79, 92, 126, 209, 43, 74) 235 avtobýs, 10 aıaldama jańartylady.