Balalar demalatyn lagerlerde sanıtarlyq normalar oryndalmasa, bul nysandar birden jabylady.
Tıisti norma zań jobasynda qamtylyp, Májilis qaraýyna engizildi. Bul týraly Densaýlyq saqtaý vıse-mınıstri – Bas memlekettik sanıtarıalyq dáriger Aıjan Esmaǵambetova aıtty, dep habarlaıdy Almaty-akshamy.kz QazAqparatqa silteme jasap.
«Balalar demalatyn lagerlerdiń máselesine toqtalsaq, olardyń 80 paıyzy shaǵyn bızneske tıesili. 2020 jyldan bastap shaǵyn bıznesti tekserýge moratorıı engizildi. Bul turǵyda lagerler 2020 jyldan beri josparly túrde tekserilmedi. Olar tek jospardan tys tekseriledi. Atap aıtqanda, adamnyń ómiri men densaýlyǵyna qaýip tóngen naqty fakti bolsa ǵana jospardan tys tekserý ótedi. Tek osy jaǵdaıda prokýratýra jospardan tys tekserý júrgizýge múmkindik beredi. Biz ne istedik? Májilis qaraýyna tıisti zań jobasy engizilip, bul qujatqa sáıkes baqylaýdyń jańa túrin engizip jatyrmyz. Sanıtarlyq normalar men ereje talaptary saqtalmaǵan jaǵdaıda, olardyń qyzmetin toqtatýǵa múmkindik beretin tergeý, jedel áreket etý sharalary sıaqty baqylaý normasy engizilip jatyr», - dedi A. Esmaǵambetova Ortalyq komýnıkasıalar qyzmetindegi baspasóz máslıhatynda.