Almaty qalasyndaǵy JITS aldyn alý jáne oǵan qarsy kúres ortalyǵynyń dárigerleri men Almaty qalasy boıynsha QAJD qyzmetkerleri birinshi jarty jyldyǵyndaǵy birlesken jumystardyń qorytyndysyn shyǵardy.
Sońǵy alty aıda atqarylǵan jumystardyń nátıjelerimen JITS ortalyǵynyń epıdemıology B.Tabınova tanystyrdy. Atalǵan jıynda qylmystyq-atqarý júıesi departamentine qarasty mekemelerde adamnyń ımmýntapshylyq vırýsy ınfeksıasynyń tómendeý tendensıasyn atap ótti. Epıdemıolog dáriger 2022 jylmen salystyrǵanda atalǵan aýrý deńgeıiniń tómendeýine testileý jumysynyń da oń yqpal etkenin tilge tıek etti, dep habarlaıdy Almaty-akshamy.kz Polisia.kz-ke silteme jasap.
«Arnaıy kontıngenttiń arasynda aýrýdyń aldyn alýǵa baǵyttalǵan jumystardyń júıeli júrgizilýiniń de nátıjesi mol. Atap aıtqanda, dárigerler qyzmetkerler men sottalǵandarǵa vırýstyń taralý joldary men odan qorǵaný sharalary týraly dáris oqıdy, aqparattyq jáne oqý materıaldaryn taratamyz», – deıdi QAJD №11 mekemesiniń sanıtarlyq-epıdemıalogıalyq qadaǵalaý tobynyń mamany S.Talasbaev.
Jartyjyldyq jumysty qorytyndylaý keńesine qatysqandar AITV-ǵa testileýdi jáne sottalǵandardy bosatý aldynda baqylaýdy kúsheıtý qajettigin habarlady. Sondaı-aq JITS ortalyǵynyń epıdemıolog dárigeri A.Álimbekova týberkýlezdiń hımıoprofılaktıkasy jáne AITV juqtyrǵan adamdardyń antıretrovırýstyq terapıaǵa beıildiligin arttyrý boıynsha usynystaryn aıtty.