Úndeý Qurban aıtqa qatysty.
Sanıtarıalyq-epıdemıologıalyq baqylaý komıteti qasıetti «Qurban aıt» merekesi qarsańynda halyqqa úndeý jasady, dep habarlaıdy Almaty-akshamy.kz
Qasıetti «Qurban aıt» merekesi qarsańynda asa qaýipti juqpaly aýrýlardyń, jappaı tamaqtan ýlanýdyń jáne mal satý, qurban shalý kezinde jiti ishek ınfeksıalarynyń aldyn alý maqsatynda mynadaı talaptardyń saqtalýy týraly eske salamyz.
Mal satý, soıý beketterinde:
qurbandyqqa shalynatyn maldardy satý men soıý arnaıy oryndarda, tıisti veterınarlyq qujattarmen (veterınarlyq pasport, qulaq syrǵalary) júzege asyrý;
mal soıý oryndarynda sanıtarıalyq-epıdemıologıalyq talaptardy qatań saqtaý (sýmen jabdyqtaý, káriz júıeleriniń bolýy), mal soıý barysynda shyqqan qaldyqtardy ýaqytyly zalalsyzdandyryp, shyǵarý;
qyzmetkerler medısına kitapshasyn alýy, jeke bas gıgıenasyn qatań saqtaýy.
Úı jaǵdaıynda:
qonaqtardyń qol jýýyna jaǵdaıdyń bolýy;
tamaqtaný bólmelerin turaqty jeldetý;
shıkizat pen tamaq ónimderin qaýipsizdigin kýálandyratyn taýardyń ilespe qujattamasy bar oryndardan satyp alý;
úı jaǵdaıynda daıyndalǵan konservi (salattar, et, qus, balyq, sańyraýqulaq jáne t.b.) ónimderin paıdalanar aldynda 15-20 mınýt termıalyq óńdeýden ótkizý;
et, qus, jumyrtqadan tez buzylatyn taǵamdar, pashtetter, aspazdyq ónimder, kremi bar kondıterlik ónimder, salattardy daıyndaǵannan keıin birden qoldaný, saqtaý talaby buzylǵanda, kelesi kúni paıdalanbaý;
teriniń irińdi aýrýlary, irińdi kesilgen jaraqattar, kúıikter, jaralar, joǵary tynys alý joldarynyń aýrýy bolǵan jaǵdaıda tamaq ázirleýge qatyspaý kerek.
Qoǵamdyq tamaqtaný nysandary men meshitterde:
sýyq, ystyq sýmen jabdyqtaý, sý tartýmen qamtamasyz etý, kelýshiler men personalǵa arnalǵan rakovınalar, qol jýý, súrtý jáne (nemese) keptirý qurylǵylarymen jáne quraldarmen jaraqtaý;
jeldetý, aýa baptaý júıeleriniń úzdiksiz jumys isteýi;
taýardyń qaýipsizdigin qamtamasyz etetin ilespe qujattamasynyń bolýy;
tamaqtaný obektisiniń sharýashylyq aımaǵynda sanıtarıalyq-gıgıena jaǵdaıyn qamtamasyz etý;
personalda arnaıy kıimniń, medısına tekserýinen, gıgıenalyq oqytýdan ótken jáne jumysqa ruqsaty bar jeke medısına kitapshasynyń bolýy;
kún saıyn jumys aýysymy bastalar aldynda personaldy medısınalyq qarap-tekserý.
"Eske sala keteıik, joǵaryda atalǵan sanıtarıalyq-epıdemıologıalyq talaptardy saqtamaý halyq arasynda tamaqtan ýlaný jáne asa qaýipti, jiti ishek ınfeksıasy jaǵdaılarynyń týyndaýyna yqpal etýi múmkin", - dep eskertti komıtet mamandary.