Bul týraly Ortalyq komýnıkasıalar qyzmetinde ótken brıfıńte qala ákimi Erbolat Dosaev málimdedi.
Ótken jyly qalanyń menshigine "Almaty parkıng"qaıtaryldy. Erbolat Dosaevtyń aıtýynsha, Almatynyń tarıhı ortalyǵynda 12500 turaq orny bar, dep habarlaıdy Almaty-akshamy.kz
«Biz biryńǵaı turaq keńistigin qalyptastyrý tujyrymdamasyn aıaqtaýdamyz ári qalanyń barlyq 8 aýdanyn qamtýdy josparlap otyrmyz. Ákimdik kólikter turaqqa qoıylǵan kósheler boıyndaǵy aýmaqtardy zańdastyryp, olardy tıisti ınfraqurylymǵa biriktiredi», - dedi Almaty ákimi
Qyrkúıekke qaraı saralanǵan tólem júıesin iske qosý josparlanýda. Onyń tólemi mynadaı bolady: ortalyqta qymbat, jańa aýdandarǵa arzan.
«Tólemder qarajaty búdjetke túsedi. Sonymen qatar, men bul búdjetti bylaısha bóldim: aýdan qansha jınaıdy – jınalǵan qarjyny "Halyq qatysatyn búdjet"baǵdarlamasy boıynsha keri qaıtaramyn. Sondaı-aq, kópdeńgeıli avtoturaqtardy salý máselesi qarastyrylýda. Biz jeke tulǵalardy, óz jerlerinde osyndaı avtoturaqtar salýǵa múddeli adamdardy tartýǵa daıynbyz», - dedi ol.
Erbolat Dosaevtyń aıtýynsha, qaladaǵy alǵashqy kóp deńgeıli avtoturaq Ulttyq banktiń janynda ornalasatyn bolady.