1 qarashada baqylaý maqsatynda úı aralaý bastaldy, ol 8 qarashaǵa deıin jalǵasady.
Ulttyq statısıka búrosynyń baspasóz qyzmetiniń málimetinshe, Qazaqstanda jeke derekterin berýden bas tartqany úshin azamattarǵa jaýapkershilik qarastyrylǵan, dep habarlaıdy Almaty-akshamy.kz
Búronyń málimetinshe, halyq sanaǵyna qatysýdan bas tartqan azamattardy jaýapkershilikke tartý – álemdik tájirıbe.
Qazaqstanda bul norma Qazaqstannyń «Ákimshilik quqyqbuzýshylyq týraly» kodeksiniń 497-babynda jazylǵan.
Bul statısıka organdary tarapynan qandaı da bir qysym kórsetiletinin bildirmeıdi. Sebebi, respondentterdi jaýapqa tartý emes, jappaı aqparattyq-túsindirý jumystary arqyly barlyq azamattardy saýalnamamen qamtý maqsaty qoıylyp otyr. Sonymen birge suhbat alýshylardyń aldynda respondentke halyq sanaǵynyń mańyzdylyǵy týraly túsindirý mindeti turdy, — delingen vedomstvonyń baspasóz qyzmeti taratqan habarlamada.