Olar memlekettik satyp alýǵa jaýapty bolǵan.
Ulttyq ál-aýqat qorynyń basqarma tóraǵasy Almasadam Sátqalıevtiń aıtýynsha, «Samuryq-Qazyna» jumysshylary polıgrafta tekserý arqyly iriktelmek, dep habarlaıdy Almaty-akshamy.kz
«Biz satyp alý máselesine jetekshilik etetin basshylardy atqaratyn laýazymdarynan bosatý boıynsha kúrdeli sharalar júrgizdik. 55 adam bosatyldy, zańnamaǵa sáıkes, bul jumys jalǵasyp jatyr», - dedi Almasadam Sátqalıev Úkimettiń keńeıtilgen otyrysynda.
Sondaı-aq, ol qor qyzmetkerleriniń arasyndaǵy jemqorlyqty joıý baǵytynda qandaı jospary bar ekenin ashyp aıtty.
«Sybaılas jemqorlyq kórinisteriniń táýekelderin tabıǵı jolmen azaıtýǵa jol ashatyn personaldy irikteý jáne jaldaý qaǵıdalaryna ózgerister engizildi. Atap aıtqanda, barlyq úmitkerlerdiń laýazymǵa sáıkestigin aıqyndaý, psıhologıalyq profaılıng, qyzmetkerlerdiń jyl saıynǵy rotasıasy, polıgrafta tekserý júrgiziledi», - dedi qordyń basqarma tóraǵasy.