Beıjińde ótip jatqan Olımpıa oıyndarynda mánerlep syrǵanaýdan latvıalyq mánerlep syrǵanaýshy Denıs Vasılev qysqa baǵdarlamada qazaqtyń uly aqyny Abaıdyń «Aıttym sálem, qalamqas» ánimen óner kórsetti, dep habarlaıdy Almaty-akshamy.kz
Qazaq aqynynyń ánimen muz aıdynynda qalyqtaǵan Vasılev qysqa baǵdarlama saıysynda 85,30 upaı enshilep, ázirge 7-shi orynda keledi.
Endi ol 10 aqpanda erkin baǵdarlamada synǵa túsedi. Denıs Vasılev osydan 4 jyl buryn, ıaǵnı 2018 jyly birinshi ret Phenchhan Olımpıadasyna qatysqan bolatyn. Onda ol jarysty 19-orynmen aıaqtaǵan. Beıjiń - onyń ekinshi Olımpıadasy.