Búgin, «Samuryq-Qazyna» AQ 15 jyldyǵyna oraı, Pedıatrıa jáne balalar hırýrgıasy ǵylymı ortalyǵynyń onkologıa bólimine qan quramyn óńdeýge qajet «Radgil 2» qondyrǵysy tabystaldy,-dep habarlaıdy Almaty-akshamy.kz.
Málimetke súıensek, Qazaqstanda jyl saıyn 600-ge jýyq bala qaterli isikpen aýyrady. Tıisinshe, halyqaralyq standarttarǵa sáıkes, onkologıalyq aýrýlardy dıagnostıkalaý men emdeýdiń joǵary tehnologıalyq ádisteriniń qoljetimdiligin odan ári arttyrý talap etilýde.
Sońǵy jyldarda sheteldik emdeý sharalaryna qyzyǵýshylyq basym. Olardy elimizde engizý maqsatynda «Samuryq-Qazyna» AQ kompanıalar tobynyń biryńǵaı qaıyrymdylyq operatory – «Samruk-Kazyna Trust» qory medısına mekemesine qajetti jabdyqty alýǵa qarjylaı qoldaý kórsetti. Nátıjesinde qasıetti Qurban aıt merekesi qarsanynda Pedıatrıa jáne balalar hırýrgıasy ǵylymı ortalyǵyna rentgen júıesi tapsyryldy.
«Radgil 2» qondyrǵysy qan komponetteriniń aınalmaly ydysta birkelki sáýlelenýin qamtamasyz etedi. Arnaıy jasalǵan syıymdylyq bir ýaqytta birneshe konteınerdi óńdeýge múmkindik beredi (prosedýra úshin 1800 ml-ge deıin). Olardy múmkindiginshe birkelki sáýlelendirip, trombosıtterdiń agregasıasyn boldyrmaıdy. Basqarý taqtasy qarapaıym, jyldam jáne yńǵaıly paıdalanýǵa múmkindik beretin ergonomıkalyq dızaınǵa ıe. Sensorlyq ekranmen jáne ıntýıtıvti mázirmen erekshelenedi. Qurylǵy óńdeletin materıaldardy ornalastyrý júıesimen, arnaıy joǵary jıilikti rentgen generatory jáne prosedýralyq derekterdi engizý men tıisti aqparatty kórsetý úshin LCD ınterfeısi bar ekrandalǵan bólimnen turady.
Ornatylǵan qurylǵy arqyly onkologıalyq aýrýlary bar 2000 balaǵa em sharalary jasalady.