Óndiris turmystyq tehnıka shyǵarady.
Samsung Electronics kompanıasy elimizde turmystyq tehnıka shyǵaratyn óndiris ashýǵa nıet bildirdi, dep habarlaıdy Almaty-akshamy.kz
Qazaqstan prezıdenti eki el saýda-ekonomıka jáne ınvestısıa salalaryna basa mán beretinin, Koreıa Qazaqstannyń eń iri bes ınvestorynyń biri sanalatynyn jetkizdi.
Prezıdenttiń aıtýynsha, byltyrǵa deıin osy elden tartylǵan ınvestısıa kólemi 9,6 mıllıard dollarǵa jetti. Bul kórsetkishti ulǵaıtýǵa eki tarap ta múddeli. Qazaqstanda koreı kapıtaly bar 700-den astam kompanıa qyzmet etedi. Mysaly, Samsung, Hyundai, Kia, Lotte, Doosan, Posco sıaqty alpaýyt korporasıalardy atap ótýge bolady. Olar elimizde tabysty jumys júrgizip jatyr.
"Biz Prezıdent Iýn Sok Ól myrzamen jan-jaqty yntymaqtastyqty nyǵaıtýǵa kelistik. Ásirese, ınfraqurylym, óndiris, qarjy, energetıka, ekologıa, avtomobıl men aeroǵarysh ónerkásibi, IT, sıfrlandyrý jáne basqa da salalarǵa basymdyq berip otyrmyz. Qazir Doosan Enerbility kompanıasy Túrkistanda bý-gaz qondyrǵysy arqyly jumys isteıtin elektr stansasyn salyp jatyr. Sonymen qatar Samsung Electronics kompanıasy elimizde turmystyq tehnıka shyǵaratyn óndiris ashýǵa nıet bildirdi. Biz mundaı bastamany barynsha qoldaımyz. Sondaı-aq GL Ralpha kompanıasy Astanada bıofarmasevtıka zaýytyn salýdy josparlap otyr, – dedi Qasym-Jomart Toqaev.