Bıylǵy forýmǵa Dımash Qudaıbergen qatysady.
27-29 maýsymda Almaty qalasynda alǵash ret «New Vision: Bıznes kúshi» jahandyq bıznes forýmy ótedi, dep habarlaıdy Almaty-akshamy.kz
Bul jıyn jyldyń eń jarqyn, ári mańyzdy bıznes oqıǵasy bolmaq.
Úsh kún boıy Almaty tek qazaqstandyq emes, sonymen qatar sheteldik bıznes lıderleriniń, kórnekti saıası qaıratkerlerdiń jıyn ortasyna aınalady.
Forýmnyń negizgi taqyryptary: AI dáýirindegi jahandyq megatrendter, bıznes pen naryqtarǵa jáne ózgerister dáýirindegi kóshbasshylyq.
Osyndaı aýqymdy is-sharany ótkizip, dıalog alańyn qurýǵa sebep – aımaqtyń damýy, halyqaralyq bıznes qyzyǵýshylyǵynyń artýy jáne jergilikti startaptardyń aıtarlyqtaı ósýi.
İs-sharaǵa túrli sala ókilderi: bıznesmender, ınvestorlar, tehnologıalyq kóshbasshylar, koýchter men óner qaıratkerleri, olardyń ishinde ınternet novatory – Djeff Hoffman, Virgin Group negizin qalaýshy – Rıchard Brenson, jetistik psıhologıasy salasyndaǵy álemdik sarapshy – Braıan Treısı, Astana Group ıesi, mesenat – Nurlan Smaǵulov, Kusto Group negizin qalaýshy-seriktesi, YPO Kazakhstan tóraǵasy – Qanat Kópbaev, Freedom Holding ıesi – Tımýr Týrlov, «Mr Body Language», 15 bestseller avtory – Allan Pız, BI Group aksıoneri, fılantrop – Aıdyn Rahymbaev, Prasanna Sankar – quny 11,5 mıllıard dollarǵa baǵalanǵan Rippling qyzmetkerlerdi basqarý startapynyń negizin qalaýshy jáne basqa da kórnekti kásipkerler men óz salasynda úzdik qaıratkerler qatysady.
New Vision aıasynda túrli formattar qarastyrylǵan: paneldik sesıalar, vorkshoptar, kórme, tálimgerlik aımaǵy, ashyq pikirtalastar.
Bıyl forýmǵa Dımash Qudaıbergen qatysady. Álemge áıgili ánshi óziniń eń tanymal jáne jańa ánderin oryndap, arnaıy baǵdarlama usynady.
Bul is-sharadan túsken tabystyń 50%-yn Qazaqstandaǵy sý tasqynynan zardap shekken óńirlerge aýdarý týraly sheshim qabyldandy.
İs-sharany Nobel Fest álemdik ǵylymı festıvali Young Presidents Organization Kazakhstan (YPO) uıymymen birlesip uıymdastyrady.
Forým ótetin kúnder: 2024 jyldyń 27-29 maýsymy
Ýaqyty: 08:00 – 18:00
Ótetin jeri: Almaty q., Respýblıka saraıy – negizgi alań, «Qazaqstan» qonaq úıi, «Novotel» qonaq úıi.