QR Mádenıet jáne sport mınıstriniń buıryǵymen Samat Erǵalıev Mádenıet jáne sport mınıstrliginiń Sport jáne dene shynyqtyrý isteri komıtetiniń tóraǵasy qyzmetine taǵaıyndaldy, dep habarlaıdy almaty-akshamy.kz Premer-mınıstrdiń baspasóz qyzmetine silteme jasap.
Samat Erǵalıev 1979 jyly Almaty oblysynda dúnıege kelgen. D. Qonaev atyndaǵy Eýrazıalyq zań akademıasyn, E. Bóketov atyndaǵy Qaraǵandy memlekettik ýnıversıtetin bitirgen.
Eńbek jolyn 2004 jyly jeke kompanıada jabdyqtaý jónindegi menedjer laýazymynan bastady.
2012-2018 jyldary «Ulttyq shtattyq komandalar jáne sport rezervi dıreksıasy» RMQK túrli laýazymdarda qyzmet atqardy.
2018-2020 jyldary — «Sportty damytý dıreksıasy» RMQK dırektory.
2020 jylǵy sáýir-qarasha aralyǵynda – «Nur-Sultan qalasynyń dene shynyqtyrý jáne sport basqarmasy» MM basshysynyń mindetin ýaqytsha atqarýshy; mindetin atqarýshy.
2020 jylǵy qarashadan bastap qazirgi ýaqytqa deıin «Nur-Sultan qalasynyń dene shynyqtyrý jáne sport basqarmasy» MM basshysy boldy.