Ulttyq qordan qarjy alý azaıady. Bul týraly eldiń qarjy mınıstri qarjygerlerdiń 9-shi kongresinde málimdedi dep habarlaıdy almaty-akshamy.kz.
Ol úshin qandaı sharalar qabyldanady? Keıingi eki jylda ulttyq qordan memleket búdjetine alynǵan qarjy somasy eki ese kóbeıdi. Máselen 2019-shy jyly ulttyq qordan búdjetke 2,2 trıllıon teńge alynsa, byltyr 4,7 trıllıon teńge aýdaryldy.
Al bıyl 4 jarym trıllıon teńge jumsalǵan. Qarjy mınıstriniń aıtýynsha, keler jyly kepildendirilgen transfert 300 mıllıard teńgege azaıady. Al maqsatty transfert 1,9 trıllıonnan 550 mıllıard teńgege qysqarady. Iaǵnı munaıdan túsken tabystyń búdjetke beriletin úlesi azaıyp, ulttyq qorǵa jınaqtalady. Osy tusta búdjetti qalaı tolyqtyramyz degen zańdy saýal týady.
Qarjy mınıstriniń aıtýynsha, ol úshin naryqta kóleńkeli bıznestiń úlesin azaıtý, keden ınfraqurylymyn jańartý, salyq jáne keden isinde sıfrlyq tehnologıalardy engizý syndy birqatar jumys atqarylmaq.