Náreste №5 qalalyq perzenthanasynda ómirge keldi.
Salmaǵy 6 kg 300 gram náresteni dárigerler kesar tiligin jasap aldy, dep habarlaıdy Almaty-akshamy.kz.
«Júkti áıel perzenthanaǵa tolǵatyp tústi, qabyldaý kezinde últradybystyq zertteý balanyń salmaǵy 4 kg 800 gram ekenin kórsetti. bul últradybystyq zertteý kezinde balanyń salmaǵy bastyń bıparıetaldy ólshemine jáne quıryq-parıetaldi ólshemine baılanysty esepteledi»,- dedi Jańa týǵan náreste bólimshesiniń meńgerýshisi Sáýle Kenenbaeva.
Aıtýynsha, operasıa sátti ótti.
«Salmaǵy 6300 gram bolatyn sábı - bizdiń perzenthanada dúnıege kelgen eń alyp bala. Bosaný operasıalyq ádispen júzege asyryldy. Operasıa sátti ótti. Bári jaqsy aıaqtaldy. Ana men onyń uly saý. Bul otbasyndaǵy úshinshi bala», - dep túsindirdi dáriger.
Maman atap ótkendeı, tórt keliden asatyn balalar úlken bolyp sanalady, al 5 kg asatyn náreste alyp dep atalady.
«Qazir anasy men balasy perzenthananyń medısına qyzmetkerleriniń táýlik boıy baqylaýynda jáne jaqyn arada perzenthanadan shyǵýǵa daıyndalyp jatyr», - dedi dáriger.