Qazaqstan Respýblıkasy Mádenıet jáne aqparat mınıstrliginiń qoldaýymen 2023 jyldyń 20-22 qyrkúıek aralyǵynda Jambyl atyndaǵy Qazaq memlekettik fılarmonıasynda Nurǵısa Tilendıev atyndaǵy Respýblıkalyq dırıjerler konkýrsy ótedi.
Konkýrstyń Ashylý saltanaty fılarmonıanyń Úlken zalynda 20-qyrkúıek kúni saǵat 10.00-de bastalady.
2023 jyldyń 22-shi qyrkúıek kúni saǵat 19.00-de Jambyl atyndaǵy Qazaq memlekettik fılarmonıasynyń úlken zalynda konkýrs jeńimpazdarynyń qatysýymen Gala-konserttiń ótýi josparlanyp otyr.
Konkýrstyń basty maqsaty - qazaqstandyq dırıjerlik mekteptiń dástúrlerin saqtaý jáne odan ári damytý; jańa esimderdi shyǵarý jáne tanytý, dırıjerlik óner salasynda talantty jastardyń kásibı ósýine jaǵdaı jasaý; daryndy jáne talantty mýzykanttardy anyqtaý jáne yntalandyrý, Qazaqstannyń mádenı ımıjin arttyrý.
Konkýrsqa Qazaqstan Respýblıkasynyń Mádenıet jáne óner salasyndaǵy 18 ben 35 jasqa deıingi dırıjerleri jáne joǵary oqý oryndarynyń stýdentteri qatysty. Atalmysh baıqaýǵa 25 qatysýshydan ótinim kelip tústi, belgili sebeptermen konkýrsqa 20 úmitker joldama aldy– Astanadan (4), Almaty (8), Shymkent (2), Petropavl (1), Pavlodar (1), Oral (1), Qaraǵandy (1) jáne Taldyqorǵan (2). Qatysýshylar Jambyl atyndaǵy Qazaq memlekettik fılarmonıasynyń Nurǵısa Tilendıev atyndaǵy «Otyrar sazy» Akademıalyq fólklorly-etnografıalyq orkestriniń súıemeldeýimen mýzykalyq shyǵarmalardy oryndaıdy. Konkýrs 2 kezennen turady.
Konkýrstyń nátıjesin 22-shi qyrkúıek kúni quziretti qazylar alqasy qorytyndylaıdy.
Konkýrs nomınasıalary boıynsha - Gran-prı, İ oryn, İİ oryn, İİİ oryn, dıplom jáne«Nurǵısa Tilendıevtiń shyǵarmalaryn úzdik oryndaǵany úshin» dıplomy belgilendi.
2025 jyly N.Tilendıevtiń Júz jyldyǵy halyqaralyq jáne respýblıkalyq de4geıde keńinen atalyp ótedi dep kútilýde. 2023 jylǵy bul jas dırıjerler konkýrsy Qazaqstan Respýblıkasy Mádenıet jáne aqparat mınıstrliginiń qoldaýymen osy aıtýly is-sharanyń qarsańynda ótedi. Konkýrstyń ashylý men jabylý saltanatyna Qazaqstan Respýblıkasy Mádenıet jáne aqparat mınıstrliginiń ókilderi, BAQ, zıaly qaýym, aıtýly mádenıet óner qaıratkerleri qatysady.