Poıyz eń aldymen Almaty oblysynyń Baıserke stansıasyna barady.
2022 jyldyń 20 maýsymy Almaty-2 stansıasynan «Salamatty Qazaqstan» medısınalyq poıyzy elimizdiń shalǵaı stansıalary men jaqyn jerdegi aýyldardyń turǵyndaryna tegin medısınalyq kómek kórsetý úshin jolǵa shyǵady, dep habarlaıdy Almaty-akshamy.kz.
Mamandandyrylǵan medısınalyq poıyz 8 vagonnan turady: dızel-generator vagony, 4 medısınalyq vagon, 1 konferens-zal jáne meıramhana, 2 kýpe vagon. Dızel-generator vagony qajet bolǵan jaǵdaıda shaǵyn eldi mekendi elektr energıasymen qamtamasyz ete alady.
İs-shara barysynda medısınalyq poıyz mamandary arnaıy poıyz vagondarymen, bas dáriger qabyldaý bólmelerimen, sondaı-aq turǵyndarǵa tegin medısınalyq kómek kórsetetin bilikti mamandarmen tanystyrady.
Joba «Samuryq-Qazyna» AQ kompanıalar tobynyń atynan «Samruk-Kazyna Trust» áleýmettik jobalardy damytý qory QR Densaýlyq saqtaý mınıstrliginiń qoldaýymen, «Qazaqstan Temir Joly» UK AQ janyndaǵy «Áleýmettik jobalar qory» korporatıvtik qorymen birlesip iske asyrylýda.
İs-sharaǵa medısınalyq poıyzdyń mamandary men qyzmetkerleri, sondaı-aq jýrnalıser qatysady.