Medeý aýdany turǵyndarynyń 110 ótiniminiń ishinen 20 joba irikteldi, olardyń ishindegi eń irisi – Tiksaı ózeniniń jaǵalaýyn abattandyrý boıynsha usynylǵan úsh joba.
Qoǵamdyq keńistikti abattandyrý aıasynda jyl sońyna deıin eki skverdi Oqýshylar saraıy men Ortalyq memlekettik murajaıdyń janyndaǵy qaıta qurý jumystary aıaqtalady, dep habarlaıdy Almaty-akshamy.kz
Shilde aıynda Alataý shaǵynaýdanyndaǵy Ibragımov kóshesi boıyndaǵy skver men «Jýrnalıser» saıabaǵynyń jáne gúlzardyń JSQ-na saraptama alý kútilýde. Jumystar osy jyldyń sońynda bastalmaq.
Qyrkúıek aıynda Úlken Almaty kanalyn qaıta qurý boıynsha JSQ-ǵa saraptama qorytyndysyn alý josparlanyp otyr.
Shilde aıynda Esentaı ózeniniń sý bólgishten Jamaqaev kóshesine deıingi (1,2 km) sý qorǵaý beldeýi ýchaskesi boıynsha jumystar jáne Almaty haıýanattar baǵyndaǵy tazartý qurylystaryn paıdalana otyryp, toǵandardy abattandyrý aıaqtalady.