Qorǵanys mınıstrligi Ortalyq sport klýbynyń nusqaýshy-sportshysy kishi serjant Sáken Bıbosynov bokstan Iordanıanyń astanasy – Ammanda ótip jatqan Azıa birinshiliginiń alǵashqy kezdesýinde senimdi túrde jeńiske jetti, dep habarlaıdy Almaty-akshamy.kz.
Armıanyń 51 keli salmaqtaǵy bylǵary qolǵap sheberi 1/8 fınalda úndistandyq qarsylasy Kýmar Sparshtan basym tústi. Shırek fınalda ol malaızıalyq boksshy Kaıým Arıffınmen judyryqtaspaq.
Qorǵanys mınıstrligi Ortalyq sport klýbynyń áskerı qyzmetshisi kishi serjant Sáken Bıbosynov – eńbek sińirgen sport sheberi. Onyń qorjynynda 2020 jylǵy Olımpıadanyń «qola» jáne 2021 jylǵy álem chempıonatynyń jeńimpazy ataǵy bar.
– Bizdiń sportshylardyń jeńiske jetýge barlyq múmkindigi bar. Tálimgerlerdiń kúsh-jigeri men qarqyndy jattyǵýlary jaqsy nátıje beredi dep úmittenemiz. Qazaqstandyq boksshylarǵa tabandylyq pen sáttilik tileımiz, – dedi Qorǵanys mınıstrligi Ortalyq sport klýbynyń bastyǵy Olga Shıshıgına.
Azıa chempıonatynda Qazaqstan quramasynyń sapynda Qorǵanys mınıstrligi Ortalyq sport klýbynyń taǵy bir sportshysy – Aslanbek Shymbergenov te sharsha alańda bylǵary qolǵap túıistirýde. Ol 71 kelige deıingi salmaqta baǵy men babyn synap júr.