Atalǵan jumystar ortasha jol jóndeý jumystary aıasynda josparlanǵan
Almaty Qalalyq mobıldilik basqarmasy Saın kóshesinde kólik qozǵalysy ýaqytsha shekteletinin málimdedi, dep habarlaıdy Almaty-akshamy.kz.
Saın kóshesiniń batys bóliginde jol jóndeý jumystarynyń júrgizilýine baılanysty 9 qyrkúıek saǵ. 21:00 men 10 qyrkúıek saǵ.06:00 aralyǵynda Shalápın kóshesinen Abaı dańǵylyna deıin, al 10 qyrkúıek saǵ.21:00 men 11 qyrkúıek saǵ.06:00 aralyǵynda Shalápın kóshesinen Jandosov kóshesine deıingi bóliginde kólik júrisi ýaqytsha ishinara shekteledi.
Sonymen qatar Saın kóshesiniń Shyǵys bóligindegi jóndeý jumystaryna baılanysty 10 qyrkúıek saǵ.21:00 men 11 qyrkúıek saǵ.06:00 aralyǵynda Ulyqbek kóshesinen Abaı dańǵylyna deıingi bóliginde soltústik baǵytta kólik qozǵalysy ishinara shekteledi.
Sondaı-aq Saın kóshesiniń Shyǵys bóligindegi jóndeý jumystaryna baılanysty 12-14 qyrkúıek aralyǵynda túngi ýaqytta saǵ.21:00 men saǵ.06:00 aralyǵynda Ulyqbek kóshesinen Abaı dańǵylyna deıingi bóliginde soltústik baǵytta kólik qozǵalysy ishinara shekteledi.
Atalǵan jumystar ortasha jol jóndeý jumystary aıasynda josparlanǵan. Keltirilgen qolaısyzdyqtar úshin keshirim ótinemiz jáne jol júrý baǵyttaryńyzdy aldyn ala josparlaýlaryńyzdy suraımyz.