Medsenattar medpýnkt pen sporty mektebin salyp berdi
Jetisý oblysynda kásipkerler jergilikti jerlerdiń áleýmettik máselelerin sheshýge belsene qatysýda. Máselen, Lesnovka aýylynda kúres túrlerine arnalǵan sport mektebi paıdalanýǵa berildi. Al Aqsý aýdanynyń Taras aýylynda demeýshilik qarjyǵa medısınalyq pýnkt salyndy, dep habarlaıdy Almaty-akshamy.kz Jetisý oblysy ákiminiń baspasóz qyzmetine silteme jasap.
Taras aýylynda 1973 jyly turǵyzylǵan ǵımarattyń ornyna jańa medısınalyq pýnkt ashyldy. Ony jergilikti «Qydyráli» sharýa qojalyǵynyń jetekshisi Tólegen Maqashev salyp berdi. Munda feldsher kabıneti, ekpe bólmesi bar. Kabınetterde qajetti qural-jabdyqtar túgel. Endi Taras aýylynyń 400 turǵyny osy jańa medpýnktte medısınalyq kómek alatyn bolady.
«Búgin aýyl turǵyndarymen qatar medısınalyq qyzmetkerler de qýanyp otyrmyz. Endi munda densaýlyǵyna shaǵymdanǵan jandarǵa kúndelikti kómek kórsetemiz. Qandaı shuǵyl jaǵdaıda da kúndiz-túni qyzmet etýge daıynbyz», - dedi medısınalyq pýnkttiń medbıkesi Aqmaral Nuralınova.
Osy mańyzdy jańalyqpen tarastyqtardy aýdan ákimi Esim Bazarhanov quttyqtady. Al Panfılov aýdany Lesnovka aýylynyń balalaryna arnap kásipker Aıdyn Sultanov óz qarajatyna jańa sport keshenin turǵyzdy. «Taldy» sport mektebiniń aýmaǵy 354 sharshy metr. Munda bir mezgilde 50 bala kúres túrlerimen aınalysa alady.
Syrtynda jattyǵý alańdary jasalǵan, ishi tolyqtaı qajetti quraldarmen jabdyqtalǵan. Qazir eki jattyqtyrýshy shákirtterin túrli jarystarǵa daıyndap jatyr. Buǵan deıin balalardyń kúrespen aınalysýyna arnaıy jaǵdaı jasalmaǵan edi.
«Biz buryn eski meshitte jattyǵatynbyz. Soǵan qaramastan aýdanda, oblysta chempıon boldym. Endi budan da zor jetistikke jetemin. Mynadaı sport zal salyp bergen aǵalarǵa rahmet», - deıdi jas sportshy Álı Qalıaqyn.
Aýdan ákimi Marat Saǵymbektiń aıtýynsha, bul - aýdanda ashylyp otyrǵan tórtinshi sport kesheni. Barlyǵyn aýyldyń qaltaly azamattary ózderi salyp berýge nıet bildirgen.
«Balalar jyly» aıasynda atqarylǵan osyndaı keremet tartýǵa aýyl halqy dán rıza. Budan bólek óńirde memlekettik baǵdarlamamen Penjim aýylynda 100 oryndy jáne Úlkenshyǵan aýylynda 90 oryndy sport keshenderi salynýda.
