«Qazaqstan zańgerler odaǵy» Respýblıkalyq qoǵamdyq birlestiginiń keńsesinde BAQ úshin kezekti brıfıń ótti dep, habarlaıdy Almaty-akshamy.kz BAQ.KZ-ke silteme jasap.
Basqosýda «Qazaqstan zańgerler odaǵy» RQB atqarýshy dırektory Ábdiqarym Aqjanov salyq organdarynyń qyzmetine toqtaldy.
Salyq organdary 15 kún ishinde Májilis jáne máslıhat depýtattyǵyna úmitkerlerdiń deklarasıasyna tekseris jumysyn júrgizgen.
Búginde ózderi týraly durys aqparatty bermegen kandıdattarǵa Ortalyq saılaý komısıalary saılaýǵa qatysýǵa ruqsat etken joq. Ótken aptada atalǵan zań buzýshylyq boıynsha 28 fakt anyqtaldy. Oǵan qatysty sheshimdi Ortalyq saılaý komısıalary qabyldaıdy, - dedi Ábdiqarym Arynuly.
Al Ortalyq basshysynyń orynbasary Dýman Jampeıisov saılaýǵa qatysty birqatar zań buzýshylyqty baıqaǵanyn aıtty.
Biz aqparattyq keńistikte keıbir zań buzýshylyqty baıqap jatyrmyz. Mysaly, 102-bapta kórsetilgendeı, tirkeý merzimi aıaqtalǵanǵa deıin úgit-nasıhat jumysyn júrgizý. Keıbir depýtattyqqa úmitkerler merziminen buryn áleýmettik jelige shyǵyp, saılaýda daýys berýge shaqyrdy, - dedi Dýman Ábiltaıuly.