Saılaýaldy kompanıa men saılaýdyń ózi tynysh ótkeni - jaqsy uıymdastyrylǵannyń belgisi.
Ortalyq saılaý komısıasynyń jarıalaǵan kezekten tys Prezıdent saılaýynyń resmı qorytyndysyna qatysty sarapshylar pikir bildirdi, dep habarlaıdy Almaty-akshamy.kz.
«Saılaýaldy kompanıa men saılaýdyń ózi tynysh ótkeni - eń aldymen, jaqsy uıymdastyrylǵannyń belgisi. Zań boıynsha bári ótti. Baıqaýshylar kishigirim ǵana qatelikterdi baıqap jatyr. Jalpy alǵanda, bári óte turaqty, beıbit jáne tynysh túrde ótti jáne bul úlken jetistik», - dedi Qazaqstan strategıalyq zertteýler ınstıtýtynyń ǵylymı qyzmetkeri Qýanysh Saılaý.
«Saılaý demokratıalyq prınsıpterge saı ótti. Halyqaralyq normalarǵa sáıkes ótti dep aıtýǵa bolady. Bul baǵany keshe AQSH pen Reseı baıqaýshylary da aıtty», - dedi Qazaqstan strategıalyq zertteýler ınstıtýtynyń saıası zertteýler bóliminiń meńgerýshisi Ermek Toqtarov.