Úsh saǵatqa sozylǵan ota sátti aıaqtaldy.
Almatyda Ortalyq qalalyq klınıkalyq aýrýhananyń dárigerleri 37 jastaǵy emdelýshiniń omyrtqasyndaǵy jaryqty alyp tastady. Joǵary tehnologıalyq ota mindetti áleýmettik medısınalyq saqtandyrý sheńberinde jasaldy, dep habarlaıdy Almaty-akshamy.kz QazAqparatqa silteme jasap.
Neırohırýrgıa bóliminiń meńgerýshisi Marat Almatovtyń aıtýynsha, naýqastyń bel omyrtqadaǵy osteohandroz ben jaryqtyń zardabyn tartqanyna birneshe jyldyń júzi bolǵan. Sondaı-aq bulshyq etteri semip, sol aıaǵyn basa almaı qalǵan.
Dárigerler aqyldasa kele emniń meılinshe jeńil ári eń tıimdi ádisi - shaǵyn ınvazıvti tásilin tańdaǵan. Bul ádis keýde-bel omyrtqa tusynda qysylyp turǵan julyn qurylymyn tolyq qalpyna keltirýge múmkindik beredi.
«Operasıa jumsaq tinderdi kespeı, týbýstyq keńeıtkish arqyly jasaldy. Mundaı hırýrgıalyq operasıa bizdiń stasıonarda tuńǵysh ret boldy. Vıntter teri arqyly engizildi. Operasıa barysynda omyrtqa arasyna jasandy dısk ornatyldy. Úsh saǵatqa sozylǵan ota sátti aıaqtaldy», - dedi Marat Almatov.
Jańa tehnologıalardyń kómegimen jasalatyn zamanaýı emdeý ádisi arqyly operasıa ýaqytyn qysqartyp, jaqsy nátıjege qol jetkizýge bolady.
Sonymen qatar, emdelýshi otadan keıin kóp uzamaı aıaqqa turyp ketýi tıis.
Qazirgi ýaqytta emdelýshi aýrýhanadan shyǵýǵa daıyndyq ústinde.
«Keıingi kezde óz aıaǵymmen júrýden kúder úze bastaǵan edim. Múgedek arbaǵa tańyldym. Qazir ózim júrip-turamyn. Aıyǵyp kele jatyrmyn, aýyrsyný seziminen aryldym. Neırohırýrgıa bólimshesiniń dárigerleri men medbıkelerine alǵystan basqa aıtarym joq», - dedi emdelýshi.