Májilis saılaýynda daýys berý búlleteniniń kólemi ózgertiledi. Bul týraly Ortalyq saılaý komısıasynyń otyrysy barysynda belgili boldy, dep habarlaıdy Almaty-akshamy.kz QazAqparatqa silteme jasap.
«Biz búletenderdiń kólemin ózgertemiz. Ol úshin tájirıbe jasap kórdik. Eger ádettegi A4 emes A 5 qaǵazyn qoldanatyn bolsaq, onda búleten jaqsy oqylady. Búletende partıalar tizimine arnalǵan 7 jolaq bolady. Al 8-shi pozısıa - barlyq kandıdatqa qarsy daýys berý jolaǵy. Eger bir mandatty okrýgterge kelsek, 16 kandıdattyń aty-jóni erkin sıady jáne kózge kórinedi. Kórý qabileti nashar adamdar úshin saılaý ýchaskelerinde arnaıy oryndar jabdyqtalady. Eger depýtattyqqa kandıdattardyń sany 16-dan astam bolsa, onda búletenniń mólsheri ulǵaıa túsedi», – dedi Ortalyq saılaý komısıasynyń tóraǵasy Nurlan Ábdirov.