Bul týraly Premer-Mınıstrdiń baspasóz qyzmeti habarlady.
Qos taraptyń jumys tobynyń kelesi otyrysy naýryz aıynda Shymkentte ótedi, dep habarlaıdy Almaty-akshamy.kz
QR Premer-Mınıstriniń orynbasary – saýda jáne ıntegrasıa mınıstri Serik Jumanǵarın men ÓR Premer-Mınıstriniń orynbasary Jamshıd Hodjaev Qazaqstan Prezıdentiniń jeltoqsandaǵy Ózbekstanǵa sapary aıasynda qol qoıylǵan ınvestısıalyq kelisimder men saýda kelisim-sharttaryn iske asyrýdy talqylady.
Taraptar birqatar jobanyń oryndalý barysy qanaǵattandyrtyny týraly atap ótti. Máselen, Tashkent oblysynda mýltımodaldy logıstıkalyq ortalyqtyń qurylysy boıynsha tehnıkalyq-ekonomıkalyq negizdemeni ázirleýge shart jasaldy, naýryz aıynyń basynda jobalaý-smetalyq qujattamany ázirleýge shartqa qol qoıý josparlanýda. Jobany iske asyrýdyń 2026 jylǵa deıingi birinshi kezeńi $70 mln kóleminde ınvestısıa tartýdy kózdeıdi.
Taǵy bir perspektıvti birlesken joba – Qazaqstan men Ózbekstan shekarasynda "Ortalyq Azıa" halyqaralyq ónerkásiptik yntymaqtastyq ortalyǵyn qurý. Qańtar aıynyń sońynda taraptar HÓKO-nyń ornalasqan jerin aldyn ala kelisip, nysandy "Atameken" (Qazaqstan) jáne "Gúlstan" (Ózbekstan) halyqaralyq ótkizý beketteriniń aımaǵynda salý boljanyp otyr. Ýaǵdalastyqtardy jaqyn arada bekitý josparlanyp otyr.
"Investısıalyq kelisimge qol qoıýdy jedeldetetin bolamyz. Jobaǵa eleýli qyzyǵýshylyq kútilýde", — dedi Serik Jumanǵarın kooperasıalyq jobalardyń iske asyrylý barysyna monıtorıń júrgizý jáne ımportty almastyrý boıynsha júıeli jumys júrgizý jónindegi jumys tobynyń birinshi otyrysyna qatysýshylarǵa.
QR vıse-premeri ózbek seriktesterine Qyrǵyzstanmen shekarada osyndaı saýda-logıstıkalyq hab salý týraly aıtyp, Ózbekstannan kelgen ınvestorlar men kásipkerlerdi osy jobaǵa qatysýǵa shaqyrdy.
Óz kezeginde Ózbekstan Premer-Mınıstriniń orynbasary Jamshıd Hodjaev ony birlesip iske asyrýǵa qyzyǵýshylyq bildirdi.
Sondaı-aq kezdesýde taraptar almastyrylatyn ónimdi júıeli jetkizýdi uıymdastyrý úshin birlesken syrtqy saýda kompanıasyn qurý tujyrymdamasyn bekitti. Jumys tobynyń qatysýshylary energetıka, kólik, aýyl sharýashylyǵy, elektrotehnıka ónerkásibi jáne mashına jasaý, ınfraqurylymdyq qurylys, farmasevtıka, hımıa salalary salasyndaǵy kooperasıalyq jáne ınvestısıalyq jobalardyń oryndalýyn qarastyrdy. İske asyrý barysynda olardyń keıbireýleri ózgerister engizýdi talap etti.
Kooperasıalyq jobalardyń iske asyrylý barysyna monıtorıń júrgizý jáne ımportty almastyrý boıynsha júıeli jumys júrgizý jónindegi qazaq-ózbek jumys tobynyń kelesi otyrysy 2023 jylǵy naýryzda Shymkentte ótedi.