Halyqaralyq baqylaýshylardyń qatysýy saılaýdyń ashyq ári ádil ótýine yqpal etedi
20 qarashada ótetin kezekten tys QR Prezıdenti saılaýy barysyn 641 halyqaralyq baıqaýshy qadaǵalaıdy, dep habarlaıdy Almaty-akshamy.kz QazAqparatqa silteme jasap.
«Búgin saǵat 18.00-de biz halyqaralyq uıymdar men shet memleketterdiń baıqaýshylaryn 20 qarashada ótetin QR Prezıdentiniń kezekten tys saılaýyna akredıtteýdi aıaqtadyq. Osylaısha, prezıdent saılaýyna 641 halyqaralyq baıqaýshy qatysady. Onyń ishinde 10 halyqaralyq uıymnan 532 baqylaýshy jáne 35 shet memleketten 109 baqylaýshy», - dedi QR Ortalyq saılaý komısıasynyń tóraǵasy Nurlan Ábdirov komısıa otyrysynda.
Onyń aıtýynsha, halyqaralyq baqylaýshylardyń qatysýy saılaýdyń ashyq ári ádil ótýine yqpal etedi.
«Sol arqyly biz halyqaralyq mindettemelerge beıildiligimiz ben halyqaralyq uıymdarmen jáne shet memlekettermen saılaý salasyndaǵy tyǵyz yntymaqtastyqty jalǵastyratyndyǵymyzdy rastaı túsemiz», - deıdi ol.
Buǵan deıin Prezıdent saılaýyna halyqaralyq baıqaýshylardy akredıtteýdiń aıaqtalǵany týraly habarlaǵan edik.
OSK tóraǵasy málimdegendeı, «QR Saılaý týraly» Konstıtýsıalyq zańnyń normalaryna sáıkes shet memleketter men halyqaralyq uıymdardyń atynan baıqaýshylardy akredıtteý saılaýdan bes kún buryn jergilikti ýaqyt 18:00-de aıaqtalady.