Almatyda jáne elimizdiń taǵy 10 óńirinde máslıhat depýtattaryn saılaý naýqany ótti.
Almatylyqtar shyǵyp qalǵan depýtattyń ornyna úmitker bolǵan azamattarǵa daýys berdi.
№4 birmandatty aýmaqtyq saılaý okrýginde saılaý belsendi túrde ótti. Halyq bosaǵan jańa orynnan úmitker bolǵan alty kandıdat arasynda tańdaý jasady. Qalada 42 saılaý ýchaskesi jumys istedi.
— Men saılaýǵa eń alǵash bala kúnimde, ata-anammen kelgenim esimde. Ol kezde basqasha áser etken. Al bul joly kámelet jasqa kelip, eseıgen, kózqarasym tolysqan shaǵymda, óz betimshe tańdaý jasadym, — deıdi almatylyq stýdent Álisher.
Búgingi saılaý ózgeshe. Ol QR tarıhynda alǵash ret qaza tapqan kenshilerdi eske alý úshin bir mınýt únsizdikpen bastaldy. Týlar túsirilgen, eshqandaı mýzyka oınalǵan joq. Degenmen, kóptegen ýchaskelerde alǵash ret daýys berip otyrǵan saılaýshylarǵa «Qazaqstan» kámpıti usynyldy.
Barlyq ýchaskede daýys berýge qolaıly jaǵdaılar jasaldy. Ásirese, múmkindigi shekteýli adamdar úshin arnaıy qurylǵylar ornatylǵan jeke kabınalar uıymdastyryldy.
Búgin Jalpyulttyq aza tutý kúni bolsa da, turǵyndar saılaýǵa belsendi qatysty.
Aıta keteıik, bul saılaýda oblystyq 2, qalalyq 7 jáne aýdandyq 12 máslıhat depýtattary saılanatyn bolady.