Komandanyń birde-bir múshesiniń quqyǵy shektelmeıdi.
«ArselorMıttal Temirtaý» kompanıasynyń jańa basshysy Vadım Basın úndeý jarıalady, dep habarlaıdy Almaty-akshamy.kz
Keshe memleket basshysy qaza tapqan jáne zardap shekken kenshilerdiń týǵan-týystarymen kezdesken kezde ınvestormen seriktestik toqtaıtynyn jarıalady. Sonymen qatar, kompanıanyń búkil ujymyna habarlanǵany – eńbek jaǵdaıy, jalaqy, áleýmettik kepildikter, eshteńe qysqarmaıdy, alynyp tastalmaıdy.
Sol sharttar qalady ári, álbette, olardy jetildirý isteri qarastyrylady. Bul – kompanıanyń jumysyn jalǵastyrý jáne áleýmettik jaýapkershilikti sezinýde kerekti shart. Sol sebepti ujymnyń birde-bir múshesi jumystan shyǵarylmaıdy, komandanyń birde-bir múshesiniń quqyǵy shektelmeıdi», – dedi Vadım Basın.
Jańa basshynyń aıtýynsha, kómir kenderinde eń basty nazar qaýipsizdikti kúsheıtýge baǵyttalmaq.