20 qarashada ótetin kezekten tys Prezıdenttik saılaýǵa kandıdat retinde usynylǵan 7 úmitker saılaýshylardan qol jınaýǵa kiristi.
Olar kelesi aptanyń jumasyna deıin zańnamada kórsetilgen qoldy jınap, kandıdat retinde tirkelýi kerek, dep habarlaıdy Almaty-akshamy.kz.
Ortalyq saılaý komısıasynyń aqparaty boıynsha, ázirge tek bir úmitkerge ruqsat berildi. Ol Halyqtyq koalısıa atynan usynylǵan, qazirgi Prezıdent Qasym-Jomart Toqaev.
Odan bólek, qazir jol jınap jatqan úmitkerlerdiń tizimi mynadaı: «Aýyl» partıasy atynan - Jıgýlı Daırabaev, «Amanat» kásipodaqtar dostastyǵy atynan - Meıram Qajyken, Jalpyulttyq sosıal-demokratıalyq partıasy atynan - Nurlan Áýesbaev, «Kásibı áleýmettik jumyskerlerdiń ulttyq alánsy» atynan - Qaraqat Ábden, «Halyq demografıasy» qoǵamdyq birlestigi atynan - Jumataı Álıev, «Qazaq analary – dástúrge jol» birlestigi atynan - Saltanat Tursynbekov jáne «Fýtbol jankúıerleriniń qazaqstandyq lıgasy» respýblıkalyq qoǵamdyq birlestiginen usynylǵan Baqyt Jańabaev.
Al, Ortalyq saılaý komısıasy úsh úmitkerdi prezıdenttikke kandıdat retinde tirkeýden bas tartty. Olar: Talǵat Erǵalıev – «Qazaqstan qurylysshylar odaǵy» atynan, Haırolla Ǵabjalılov – «Oralmandardyń «Asar» birlestigi» atynan jáne Fatıma Bızaqova - «Tájirıbelik psıhologıa» respýblıkalyq qoǵamdyq birlestigi atynan. Budan bólek, komısıa «Muqalmas» qoǵamdyq birlestigi atynan usynylǵan Nurjan Áltaevtiń sáıkestigin belgileý rásimin ýaqytsha toqtatty.