Ekijaqty memorandýmǵa qol qoıyldy
Búgin Astanada Saha (Iakýtıa) Respýblıkasynyń Qazaqstandaǵy kúnderi bastaldy, dep habarlaıdy Almaty-akshamy.kz
Astana men Almaty qalalarynda 21 sáýirge deıin jalǵasatyn kúnder aıasynda baýyrlas eki el arasyndaǵy mádenı, sporttyq, iskerlik baǵytta kóptegen shara uıymdastyrý josparlanǵan, dep habarlady Asyq atý federasıasynyń baspasóz qyzmeti.
İs-sharanyń birinshi kúni Qazaqstan prezıdenti Qasym-Jomart Toqaev Saha Respýblıkasynyń basshysy Aısen Nıkolaevty qabyldap, eki el arasyndaǵy aýyl sharýashylyǵy, ken óndirý, sıfrlandyrý jáne týrızm salalaryndaǵy yntymaqtastyq talqylandy.
«Sonymen qatar, Asyq atý federasıasynyń atqarýshy dırektory Jomart Sabyrjanuly men Saha Respýblıkasy memlekettik búdjettik mekemesiniń dırektory Gennadıı Vasılev Saha Respýblıkasy Dene shynyqtyrý jáne sport mınıstrliginiń Vasılıı Manchaary atyndaǵy ulttyq sport túrleri ortalyǵy men QR Asyq atý federasıasy arasynda yntymaqtastyq týraly memorandýmǵa qol qoıdy», delingen habarlamada.
Aldaǵy ýaqytta qazaqtyń ulttyq asyq atý jáne bes asyq oıyny Saha Respýblıkasynda damytylyp, birlesken oqý-jattyǵý jıyndary men jarystar ótkiziletin jáne Dúnıejúzilik kóshpendiler oıyndaryna Saha Respýblıkasy asyq atýdan komanda ákeletin boldy. Budan bólek, ıakýttyń Habylyk jáne Haamyska oıyndaryn da birlese damytý jaǵy kelisildi.