Bul - bizdiń elde 30 mekteptiń quny...
Pablo Pıkassonyń 1932 jylǵy «Saǵat taqqan áıel» atty úzdik týyndysy satyldy.
Óner týyndysy 139 mıllıon AQSH dollaryna satyldy, dep habarlaıdy Almaty-akshamy.kz.
Sotheby's dereginshe, Femme a la Montre («Saǵat taqqan áıel») kartınasy bıyl aýksıonda satylǵan eń qymbat jumys boldy. Sýrette onyń kóptegen kartınasynyń keıipkeri bolǵan fransýz modeli Marıa-Tereza Valter beınelengen.
Aýksıonǵa shyǵarmas buryn sýret 120 mıllıon AQSH dollaryna baǵalandy. Buǵan deıin kartınany óner týyndylary koleksıasyn jınaýshy marqum Emılı Fısher Landaý 1968 jyly satyp alǵan. Keıinirek ol aty-jóni qupıa adamǵa tıesili boldy.
Pıkassonyń aýksıonda satylǵan eń qymbat kartınasy «Aljır áıelderi» dep atalady. Ol 2015 jyly Christie’s aýksıonynda 179,3 mıllıon AQSH dollaryna satyldy. Al «Saǵat taqqan áıel» baǵasy jaǵynan sýretshiniń ekinshi qymbat kartınasy boldy.