Jarysqa 200-ge jýyq kásibı sportshy qatysyp jatyr
Elordalyq «QAZAQSTAN» jeńil atletıka kesheninde sadaq atýdan "Nur-Sultan Gran-Prı" halyqaralyq týrnıriniń ashylý saltanaty ótti, dep habarlaıdy Almaty-akshamy.kz.
Qazaqstan sportynyń tarıhynda alǵash ret ótip jatqan halyqaralyq deńgeıdegi aýqymdy týrnırdiń resmı ashylýyna QR Mádenıet jáne sport mınıstri Dáýren Abaev, Nur-Sultan qalasy dene shynyqtyrý jáne sport basqarmasy basshysynyń orynbasary Almas Abaev, sadaq atý federasıasynyń basshylyǵy jáne belgili sportshylar qatysty.
Jarysqa Avstrıa, Chehıa, Polsha, Grýzıa, Bangladesh, Reseı, Ózbekstan, Tájikstan, Belarýs jáne Qyrǵyzstan elderinen 200-ge jýyq kásibı sportshy qatysyp jatyr.
Aıta ketý kerek, qatysýshylar arasynda olımpıada jáne Azıa oıyndarynyń, Álem, Azıa, Eýropa chempıonattarynyń júldegerleri kóp. Olardyń qatarynda Olımpıada oıyndarynyń eki dúrkin kúmis júldegeri, Eýropanyń eki dúrkin chempıony jáne rekordsmeni Reseıden Elena Osıpova, Eýropa chempıonattarynyń qola júldegeri jáne Álem kýbogy kezeńderiniń júldegeri Belarýs Respýblıkasynan Anna Marýsova jáne basqalary bar.
Týrnır aıasynda jeke jáne komandalyq birinshilik jattyǵýlarynda 12 medal jıyntyǵy oınatylady.
Halyqaralyq týrnır 18 maýsymǵa deıin jalǵasady.