Sońǵy bir aıdyń kóleminde sábiz ben kartoptyń baǵasy aspandap ketkeni týraly BAQ-da da, áleýmettik jelide de kóp aıtyldy.
Bul suraqqa búgin Almaty qalasy óńirlik komýnıkasıalar qyzmetiniń alańynda ótken baspasóz máslıhatynda Almaty qalasy kásipkerlik jáne ınvestısıalar basqarmasynyń basshysy Erkebulan Orazalın jaýap berdi, dep habarlaıdy Almaty-akshamy.kz
«Qalamyzdaǵy kókónistiń baǵasy týraly biz ashyq aıtyp kelemiz. Maýsymaralyq kezeńde baǵanyń ósip ketkeni ras. Dál qazir aldyńǵy aptalarǵa qaraǵanda kartoptyń baǵasy 2 esege arzandady, endi sábizdiń de baǵasy túsedi. Qala turǵyndaryn jetkilikti mólsherde kókónispen qamtamasyz etý úshin biz Túrkistan oblysymen kelisimshart jasastyq. Sol kelisimsharttyń nátıjesinde qalamyzǵa kókónistiń barlyq túrinen 22 myń tonna ákelinedi. Biz bıyl ǵana emes, aldaǵy jyldy da oılap, kelesi jylǵy ónimge jetkenshe qala turǵyndaryn kókónissiz qaldyrmaý úshin kelisimshart jasasyp jatyrmyz», - dedi Erkebulan Orazalın.