Sábılerdi asyrap alǵandar men medısına qyzmetkeri, balalardyń anasy, barlyǵy 6 adamǵa qatysty úkim shyqty, dep habarlaıdy aqshamnews.kz
Qaraǵandyda eki balasyn 6 mln teńgege satty dep 8 jylǵa sottalǵan kópbalaly ana bul áreketke qarjylyq qıyndyqtan barǵanyn aıtty. Ol 2022 jáne 2023 jyldary dúnıege ákelgen balalaryn týa salysymen eki otbasyna tanys medbıke arqyly bergen.
Áıel Qylmystyq kodekstiń 135-baby 2-bóligi 1 jáne 2-tarmaqtarymen kináli dep tanyldy. Búgin sábılerdi asyrap alǵan otbasylar men medısına qyzmetkeri, balalardyń anasy ıaǵnı barlyǵy 6 adamǵa qatysty úkim shyqty.
Áıel medbıkemen birge sábıleri úshin 6 mıllıon teńge alǵan. Qujatta asyrap alýshylardyń kúıeýlerin balasynyń ákesi etip kórsetken. Osy aıǵaqtar eskerilip medbıke 5 jylǵa bas bostandyǵynan aıyryldy. Al sábılerdi asyrap alǵan 4 ata- ana 8 jylǵa shartty jaza aldy. Olar sotta 15 jyl boıy balaǵa zar ekenderin jáne balalardy qatty jaqsy kóretinderin aıtty.
"Aıyptalýshy qylmystyq kodekstiń 135-baby 2-bóligi 1 jáne 2-tarmaqtarymen kináli dep tanylyp, 8 jylǵa bas bostandyǵynan aıyryldy. Jazasyn ortasha qaýipsizdiktegi qylmystyq atqarý mekemesinde óteıdi. Medbıke azamatsha 5 jylǵa bas bostandyǵynan aıyrylady. Ekeýi sot zalynan tutqyndalsyn", - dedi sýdıa Dýlat Borabaev.