Endi olar elge belgili tulǵalardyń bet-beınesin jasap, halyqty aldaýǵa kóshti, dep habarlaıdy aqshamnews.kz
Áleýmettik jelide osy saryndaǵy beınerolıkter keń taralýda. Alaıaqtar tanymal medıa tulǵalar men iri kompanıa basshylarynyń atynan jalǵan aqparat taratý arqyly halyqty quryǵyna túsirýge tyrysyp jatyr.
Shynaıy beıneden aınymaıtyn mundaı habarlamar arqyly alaıaqtar jurttyń qaltasyn qaǵýdy kózdeıdi.
Jýyrda dál osyndaı jolmen ulttyq atom kompanıasyna qatysty aqparat tarady. Beınerolıkte ınvestısıalyq platformany iske qosý arqyly mol paıdaǵa kenelýge bolatyny aıtylǵan. Alaıda kompanıa basshylyǵy bul shyndyqqa janaspaıtynyn habarlap, azamattardy meılinshe saq bolýǵa shaqyrdy.
"Qarjylyq jaǵdaıdy jaqsartýǵa múmkindik beretin platformalar týraly beınehabarlamar taratýda."Qazatomónerkásip" basshysy retinde bul jańalyqtardyń shyndyqqa sáıkes kelmeıtinin resmı túrde málimdeımin", - deıdi "Qazatomónerkásip" UAK" AQ basqarma tóraǵasy Meıirjan Iýsýpov.