Olga Rypakova Qazaqstan jeńil atletıkasy federasıasynyń prezıdenti bolyp taǵaıyndaldy.
Qazaqstannyń jeńil atletıka federasıasynda úlken ózgeris oryn aldy: Danıal Ahmetov federasıa prezıdenti qyzmetinen óz erkimen jáne merziminen buryn ketkenin málimdedi, dep habarlaıdy aqshamnews.kz.
2018 jyldan bastap osy laýazymda bolǵan Ahmetov búgin ótken baspasóz máslıhatynda óz sheshimin jarıalap, federasıa jetekshiliginen qyzmetten bosatýdy ótingen. Bul aqparatty Qazaqstan jeńil atletıka federasıasynyń atqarýshy dırektory Pavel Kýkın rastady.
Danıal Ahmetovtyń ornyna federasıanyń jańa prezıdenti retinde Qazaqstannyń áıgili jeńil atleti Olga Rypakova taǵaıyndaldy. Ol endi elimizdiń jeńil atletıkasy salasyn damytý baǵytynda jetekshi ról atqaratyn bolady.
Olga Rypakova — álem chempıonattarynda júlde alǵan, Olımpıada oıyndarynyń júldegeri, Qazaqstannyń jeńil atletıka tarıhyndaǵy úzdik sportshylardyń biri. Onyń jańa laýazymdaǵy jumysy elimizdiń jeńil atletıkasy salasynyń halyqaralyq arenada bedelin arttyrý, jastardy sportqa baýlý jáne ulttyq komandaǵa jańa jetistikterge jetýge kómektesý baǵytynda bolady.
Qazaqstan jeńil atletıkasy federasıasy Olga Rypakovanyń basshylyǵymen jańa belesterge jetetinine senim artady.