Joǵary aýdıtorlyq palatanyń tóraǵasy Álıhan Smaıylov Májiliste aýyl sharýashylyǵy salasyna júrgizilgen tekserýdiń nátıjelerimen bólisti, dep habarlaıdy aqshamnews.kz
Anyqtalǵan buzýshylyqtar tań qaldyrarlyq. Ekonomıkalyq mańyzdylyǵy joǵary sala bolǵanyna qaramastan, aýyl sharýashylyǵynyń JİÓ-degi úlesi óte tómen – orta eseppen nebári 5%.
Sebepteri nede? Negizgi sebepter qatarynda tómen ónimdilik, sýarmaly jerlerdiń baıaý ósýi, sýdy tıimsiz paıdalaný, tasymal-logıstıka ınfraqurylymynyń álsiz damýy, materıaldyq-tehnıkalyq bazanyń jetkiliksizdigi jáne taǵy basqalary atap ótildi.
«Sońǵy bes jylda búdjetten sýbsıdıalaýǵa shamamen eki trıllıon teńge bólindi. Alaıda, júıelik máseleler olardyń tıimdiligin shektep tastady. Birinshi sebep – strategıalyq josparlaýdyń olqylyqtary men salany damytýdaǵy sabaqtastyqtyń bolmaýy. Sońǵy 10 jylda Aýyl sharýashylyǵy mınıstrligi birneshe baǵdarlamalyq qujattardy qabyldady. Biraq olardyń kóbi aıaqsyz qaldy. Qujattardyń barlyǵy júzege asý barysynda, orta jolda kúshi joıyldy nemese aıaqsyz qaldy», – dep atap ótti Smaıylov.
Qyzyǵy nede? Mıllıardtar jumsalǵanymen, nátıje qaıda? Álıhan Smaıylov bul qarjynyń úlken bóliginiń tıimdi paıdalanylmaǵanyn jáne memleket aldaǵy josparlaý men sýbsıdıalaý júıesine shuǵyl túrde ózgerister engizýi qajet ekenin qadap aıtty. «Sheshimder qaǵaz júzinde qaldy, endi naqty áreket qajet», – dedi ol.
Elimizdiń aýyl sharýashylyǵyndaǵy aýqymdy máseleler tek qarjylyq emes, strategıalyq josparlaýdaǵy kemshilikterden de týyndaǵany anyq. Al bul – saladaǵy jaǵdaıdy túbegeıli ózgertý qajettiginiń dabyly.